Çox təəssüf hissi ilə qeyd edirəm
ki, Abbas Lisanini Cənubi Azərbaycanda nə qədər çox tanıyırlarsa, Şimali Azərbaycanda o qədər az tanıyırlar. Ona görə də, özümə bir azərbaycanlı kimi borc bildim
ki, onun haqqında qısa da olsa bir məqalə yazam. Kim bilir, bəlkə də kiminsə
qarşısına çıxdı, oxudu və tanıdı…
Əslən İranın Güney Azərbaycan
vilayətinin Ərdəbil şəhərindən olan Abbas Lisani türk əsilli İran vətəndaşlarının
(Güney Azərbaycan) ana dilində təhsil almaları, iqtisadi rifahları və digər hüquqları uğrunda mübarizə
aparan və zorakı olmayan müxtəlif etiraz aksiyalarında iştirak etdiyi üçün evinə
basqın edilərək ailəsi və uşaqlarının gözü qarşısında döyüldükdən sonra Molla
rejimi tərəfindən həbs olunaraq azadlıqdan məhrumetmə və qamçı cəzalarına məhkum
edilmiş hüquq müdafiəçisi - jurnalistdir.
Evinə basqın edilməsi, döyülməsi,
azadlıqdan məhrumetmə və qamçı cəzalarına məhkum edilməsi Beynəlxalq Əfv Təşkilatı
(Amnesty International) tərəfindən hüquqa və insanlığa zidd hesab edilmiş və o
“vicdan məhbusu - fikir cinayətkarı” kimi xarakterizə edilmişdir.
O, 2006-cı ilin mayında İran qəzetində
Güney Azərbaycanlıları və Azərbaycan türkcəsini təhqir edən karikatura dərc
edildikdən sonra Ərdəbil şəhərində keçirilən yürüşlərdə iştirak etdiyi üçün 18
ay həbs və 50 şallaq cəzasına məhkum edilib. İlk dəfə həbs olunanda Ərdəbildən
112 km məsafədə yerləşən Əhər zindanında (Əhər həbsxanasının məmurları şallaq cəzasını
tətbiq etməkdən imtina ediblər) saxlanılsa da, hazırda 2000 km məsafədə yerləşən
Yəzd həbsxanasında saxlanılır. Əhər İranın Şərqi Azərbaycan vilayətindədir.
Abbas Lisani bu bölgədə tanınmış şəxs olduğundan o, azərbaycanlıların daha az
yaşadığı və qamçı cəzasının tətbiq oluna biləcəyi Yəzd bölgəsi həbsxanasına köçürülüb.
Yəzd zindanına aparılmasına etiraz olaraq aclıq aksiyası keçirən Lisani təkcə
qamçı cəzasının icrası üçün Yəzd həbsxanasına aparılmadığını, ailəsi, uşaqları
və yaxınları ilə görüşməsinə mane olmaq üçün köçürüldüyünü demişdir.
Sonda bir söz də demək istəyirəm:
“Bu həbslər belə qalmayacaq. Hər anti demokratik reim kimi o reimin də sonu
çatacaq. Arazın o tayı da, bu tayı da bizim doğma el-obamızdır. Molla reimi
bunu öz qulaqlarına sırğa edib assın!”
Yorumlar
Yorum Gönder