Salam dəyərli bloq oxuyucuları, yeni ilin ilk paylaşımı
dövlət qulluğuna qəbul olmaq istəyənlər üçün hazırladığım testlərdir. Bir
dostum imtahana hazırlaşırdı və məndən dövlət qulluğunun ədəbiyyat siyahısına
uyğun testlərimin olub olmadığını soruşdu. Mən də ona tələbələrim üçün bir az
sual hazırladığımı və onları sənin üçün bir araya yığa biləcəyimi dedim.
Beləliklə, 80 sualdan ibarət test toplusu ortaya çıxdı. Bəli indi çoxu düşünür
ki, 80 sual azdır. Razıyam azdır, amma bu 80 sual qəliz suallardır. Asan suallar
onsuz da demək olar ki, hamı tərəfindən rahat yazılır. Amma mənim hazırladığım
suallar bir az çətin sayılır :)))
80 sual Azərbaycan Respublikasının və Naxçıvan Muxtar
Respublikasının Konstitusiyaları, “Dövlət qulluğu haqqında”, “Dövlət
qulluqçularının etik davranış qaydaları haqqında”, “Korrupsiyaya qarşı mübarizə
haqqında”, “Məlumat azadlığı haqqında”, “Vətəndaşların müraciətləri haqqında”,
“Azərbaycan Respublikasında dövlət dili haqqında” Azərbaycan Respublikasının
Qanunları, “Dövlət orqanlarında, dövlət mülkiyyətində olan və paylarının
(səhmlərinin) nəzarət zərfi dövlətə məxsus olan hüquqi şəxslərdə və büdcə təşkilatlarında
kargüzarlığın aparılmasına dair Təlimat” və Azərbaycan Respublikasının dövlət
rəmzlərinə dair qanunvericilikdən ibarətdir. Yəni proqramı tam olaraq əhatə
edir. Siz bunu sınaq imtahanı kimi düşünün. Sualların sonuna cavab kartını da
əlavə etmişəm. Bu sınağın nəticələrini şərhə əlavə etsəniz sevinərəm. Hamıya
uğurlar!
Testləri yükləmə linki DOWNLOAD
Yorumlar
Yorum Gönder