Ötən günlərdə dərsdən sonra tələbələrimlə artıq qalan zamanımızı bədii kitablardan danışaraq keçirdik. Tələbələrə maraqlı olan bir-iki kitabı müzakirə etdik. Məndən hansı kitabları oxumağın daha yararlı olacağını soruşduqlarında onlara
"Oxunması zəruri olan kitablar haqqında" Naxçıvan Muxtar
Respublikası Ali Məclisi Sədrinin 28 avqust 2017-ci il tarixli Sərəncamından bəhs etdim. Çox diqqətlə seçilmiş bu kitabları oxumağın onların dünyagörüşünün yüksək səviyyədə formalaşmasına kömək edəcəyini bildirdim. Sonra siyahıda olan kitabların adlarını sadaladım. Bundan sonra tələbələr məndən bu qədər kitabın içinə niyə məzmunca onlardan çox qısa olan bir məktubun əlavə edildiyini soruşdular. Onlara "məktubu sizə oxuyum, bundan sonra o siyahıya niyə əlavə olunduğuna özünüz qərar verin" dedim. Təbii ki, məktubu oxuduqdan sonra onlara nəyi isə izah etməyimə ehtiyac qalmadı.
Amerika Birləşmiş Ştatlarının 16-cı prezidenti olan Avraam Linkolnun oğlunun müəlliminə yazdığı bu məktubu sizlərlə paylaşmaq istərdim:
Hörmətli müəllim,
Oğlumu sizə əmanət edəcəyimə görə
bu məktubu sizə yazmağı vacib bildim.
Ona öyrədin ki, hamı dürüst və
ədalətli deyil. Amma hər alçağa qarşı bir qəhrəman, şəxsi mənafeyini güdən
siyasətçiyə qarşı isə özünü ölkəsinə fəda etmiş bir lider mütləq var.
Hər düşmənin əvəzinə bir dost
mütləq var.
Vaxtınızı alacaq, bilirəm, amma
imkan olsa, ona öyrədin ki, qazanılan bir dollar, tapılan 5 dollardan daha
dəyərlidir.
İtirməyi də öyrədin ona, həm də
qazanmaqdan həzz almağı.
Onu qısqanclıqdan uzağa yönəldin.
Ona səssiz gülüşün sirlərini
öyrədin.
Qoyun, zorakılığın zahirən qalib
olduğunu öyrənsin.
Əgər bacara bilsəniz, ona
kitabların möcüzəli bir şey olduğunu öyrədin.
Ona səssizlikdə göydəki quşların,
günəşdəki arıların, çəmənlikdəki güllərin daxili sehrinə enməyi öyrədin.
Öyrənsin ki, məktəbdə səhv etmək
hiylə gəlməkdən daha şərəflidir.
Hamı onun səhv olduğunu desə də,
öz fikirlərinə inanmağı,
Nəzakətli insanlara qarşı
nəzakətli, kobudlara qarşı kobud olmağı öyrədin.
Hamı bir-birindən yapışıb gedəndə,
kütləyə qoşulmayıb öz yolu ilə getmə gücü verin oğluma.
Bütün insanlara qulaq asmağı,
Qulaq asdıqlarını həqiqət
ələyindən keçirib, ancaq yaxşıları özünə götürməyi,
Bacarsanız, kədərlənəndə belə necə
gülə biləcəyini öyrədin ona.
Ağlamağın utandırıcı bir şey
olmadığını,
Gücünü və beynini ən yüksək qiymət
təklif edənə satmağı,
Ancaq ürəyinə və ruhuna qiymət
etiketi qoymamağı,
Ulayan insan kütləsinə qulaqlarını
tıxamasını,
Və əgər özünün haqlı olduğuna
inanırsa, dimdik dayanıb mübarizə aparmağı öyrədin ona.
Ona qarşı mehriban olun, amma
qucaqlamayın. Çünki ancaq odun qığılcımı poladı saflaşdırır.
Qoyun, səbirsiz olacaq qədər
cəsarətə sahib olsun.
Qoyun, cəsur olacaq qədər səbri
olsun. Ona həmişə:
Özünə inanmağı öyrədin.
Beləcə bəşəriyyətə də inamı daim
olacaq.
Bu, böyük tələbdir, özünüz baxın,
nə qədərini bacararsınız.
Hörmətlə,
Avraam Linkoln
Yorumlar
Yorum Gönder